A orixe da nosa materia prima atópase nos bosques galegos. A madeira que utilizamos na fabricación dos mangos provén do pino galego. É unha madeira de alta calidade e de unha dureza intermedia, un gran basto e unha boa resistencia mecánica, heteroxénea e de textura grosa. O peso específico da madeira seca ao aire é de 0,46tn/m3 aproximadamente. Ofrecemos o noso produto en diversos tipos de calidades e acabados. Á chegada ós nosos almacéns, realízase unha rigorosa clasificación da madeira e atendendo ós nosos estándares de calidade, so admítese a que corresponde a das táboas serradas sen nus e sen defectos importantes. Ademais, na nosa fábrica temos un espazo optimizado para o proceso de secado da madeira. O prezo final do produto dependerá da clasificación da madeira e dos seus acabados. Así mesmo, antes do envío ó cliente realizamos unha inspección na que se comproba que o produto resultante responde ás especificacións do pedido. Os nosos provedores dispoñen do Sistema de Control da Cadea Custodia de Produtos Forestais, conforme cos requisitos do Anexo IV do Documento Técnico do PEFC. Dito sistema garantía a orixe da nosa materia prima ademais de ser un importante instrumento que potencia o desenvolvemento sostible en torno ós ecosistemas forestais. Solicite unha mostra dos nosos produtos a través do nosocorreo electrónico..*